| |
Y. Sabri
Qamişloki
Raste kû berê ji pêşiyan gotiye
*Giya di bin keviran de namîne*, û dibê ev
ji mîna berê vegere cihê xwe ku jê di
herikî.
Sed mixabin, ku zordarî, qirkirin û talanên
dem dirêj ku feleka bêbext û xayin bi serê
mede anîbûn, em ji her jiyaneke xweş û Şêrîn
bê par kirin, em bûne qûrbaniyên cîhaneke bê
wijdan û Rojhilateke Navîn bê bext. Bera her
kes zanibe, ku ti hêz li vê jiyanê nikare
navê Kurdistan û gelê kurd winda bike, ti
Hêz jî nikare me ji hev dûr bikin, ne ba
danîna Sînorên bi zorê, ne jî bi çandina
bomban û zêdebûna zervanan, şahidê vê jî,
daxwiyaniyên serokên rêxistin û partiyên me,
berpisiyar û nûnerên gelê me li her
quncikeke cihan û Kurdistanê ji Amed bigre
ta Qamişlo û derbasî Mihabad, Hewlêr,
Silêmanî û Batmanê bibe, tev bi helwesteka
netwî banga yekitiya kurda dikin, gefên
dijwar li dijmin û dagirkerên xaka welatê me
dikin.
Bi teyibetî ji di van her şeş mehên dawî de,
nêzîkbûna gelê me li her çar parçan zêdetir
dibe, ku serokê DTP (Partiya Civaka
Demokratik) di 04.02.2006 li ahenga liqê
Istenbolê, bi zimanekî tûj û mêranî êrîşî
dewileta Tirkî kir û got** Eger hûn hewl
bidin tirkmanan weki karteki li gel Kurda
bikar binîn, emê li himber we
rawestin**www.netkurd.org/kaxiz.asp.
Her wiha, ji aliyê dî jî, wezîrê rewişenbirî
yê Herêma Kurdistana Federal birêz Felekedin
Kakayî di hevpeyivînekê de li gel rojnameya
Mîdiya di 30.01.2007 di hijmara 275 dabû
xwiyakirin, ku Abdullah Ocelan girtiyekî
siyasiye û pirsgireka wî pisgîrêke hemû gelê
kurde, û divê em hemû çi hikûmet çi
rewişenbîr çi rêxistin em kar bikin, ji bo
azadiya Ocelan.
Gavên netwî û welatparêzî ji bo yekîtiya
kurdan roj bi roj zêdetir bûn, mîna rêzdar
Hilmî Ayid Ugdu serokê partiya Civaka
Demokratîk yê şaxê Amedê, dema di
ragihandineke de 22.02.2007 bo Rojnama Tirkî
*Miliyet* Got: Her êrîşek li ser Kerkûkê
êrîşeke li ser Diyarbekirê ye, û Bajarê
Kerkûkê ji bo her Kurdekî giringe û di
23.02.2007 ji bo van gotinan hate
binçavkirin*www.peyamner.com/print.aspx*.
Ji xwe jî nema pirr pêwîste ku em gefên
serokê Kurdistanê rêzdar Mesûd Berzanî bînin
ser ziman, ew bi mêranî û serfirazî daxwaza
dewileteke Kurdistanê dike, û her demê ew
bersiva Tirka û dijminên Kurdan dike, wî di
hevpeyîvîna xwe ya li gel Kenala Tirkî NTV
de berî heftîkê, bi firehî dabû xwiyakirin,
ku em şerê PKK nakin, û Kerkûk dilê
Kurdistanê ye, û dewileteke Kurdî rastiyeke.
Wekî me hemiyan di çapemeniyan de xwend, ji
bo gotinên serokê Kurdistanê, pirr ziman
dirêjî û bê exlaqî ji aliyê pir
nijadperestên Tirkan ve hate xwiyakirin,
mîna serokê ANAP ê Erkan Mumcu.
Dibê her kes bi zanibe em miletekin, ti hêz
nema dikare zordariyê li me bike, em ber bi
avakirina dewiletekî de diçin, em bûne hêzek
di vê herêmê de, karê avakirin û xerakirnê,
karê aştî û şer bi me diqede, em ne xwînmij,
zikreş û şerxwazin, lê em nema mîna berê jî
bindestiyê qebûl dikin.
|
|
