| |
PNA
Cihgirê serokê parliyamenta kurdistanê da
xuyakirin ku di kombûna alîyên Iraqî de li
parliyamenta Ewropa daxwaz ji her kurdekî
kiriye ku heger bixwaze serdana parliyamenta
Ewropa bike, bila berî hingê alîyên
peywendîdar agahdar bike, da ku bikaribe bi
zimanê xwe bipeyive. Cihgirê serokê
parliyamenta kurdistanê Dr. Kemal Kerkûkî jî
da zanîn ku di evê dawîyê de ew çûye Ewropa,
bi revenda kurd re kombûn danîye û beşdarî
di kombûneka parliyamenta Ewropa de jî
kiriye. Ew kombûna han jî li ser daxwaz û
banga hinek endamên parliyamenta Ewropa
hatibû pêkanîn û alîyên Iraqî yên kurd,
sunneyî û şî`eyî hatibûn daxwazkirin, da ku
guft û goyan li ser rewşa Iraqê bikin.
Cihgirê serokê parliyamenta kurdistanê da
zanîn jî ku alîyê sunneyî di evê kombûna
parliyamenta Ewropa de daxwaz kiriye ku
destûra Iraqê nehê pejirandin, maddeya 140
bi cih nehê û hukûmetek navendî li Baxdadê
bihê damezrandin ku hemû desthiladarî di
destên wê de bin. Dr. Kemal Kerkûkî jî di
evê kombûnê de behsa Iraqê û kurdistanê
kiribû û bi taybetî jî behsa serpêhatîyên
milletê kurd kiribû. Dr. Kerkûkî di hinek
gotinên xwe de ev gotibû: em gelê kurd in..
em xwedîyên zimanê xwe yê taybetî ne..
zimanê me di destûra Iraqê de wek zimanê
duyemê Iraqê hatiye zanîn, belê em nikarin
li vir pê bipeyivin. Dr. Kerkûkî got piştî
evan gotinên me parliyamenta Ewropa ragihand
ku ji niha û pê ve her kurdekî ku bihê nêv
parliyamenta Ewropa dikare bi zimanê xwe
bipeyive û dê di evan çend rojên bihên de
çend endamên parliyamenta Ewropa serdana
kurdistanê bikin. |
|
