| |
Helbest:
Qani`(1898-1965)
Veguhastina tîpan bo Latînî: Besam Mistefa
Sed şukur wa nemirdim, take dîm allayî Kurd*
Kewte ber çawûm beberzî, sûret û sîmayî Kurd
Ba zebû, dûrabû dîdey nergisî şehlayî Kurd
Mijde bê emrro ke berbû, çawî pirr bînayî
Kurd
Her bijî allayî Kurd û pêşewayî zanayî Kurd
Bang kene erwahî pakî Erdellanî nereşêr
Ya billên Kawe le kuyê?Rojî hezar yadit be
xêr
Bênine ber çawî xotan, hellmetî zendî dilêr
Her billên em şî`re ehlî kohsarû Germesêr
Her bijî allayî Kurd û pêşewayî zanayî Kurd
Çen zemanêke esîrû jêr çepokey `alemin
Serkizû bê qîmetî ber çawî zadey Ademin
Dîlî zîndanî nezanîn, mestî badey matemin
Bang kene yektir hemûtan çunke emrro bê
xemin
Her bijî allayî Kurd û pêşewayî zanayî Kurd
Qet lebîrit derneçê Kurde, zerrey zincîrî
pêt
To temaşake, ledes bêganekan çî hate rêt
Kuwanê babî gorr xerîbû?Mamekey bê şiwên û
cêt?
Kurde çon to dilbirînî, şel ke bo em şî`re
giwêt
Her bijî allayî Kurd û pêşewayî zanayî Kurd
Newbete, baraşt lêke, aşî gêtî kewte gerr
Şêr netirsawe lebezim û şorişî meydanî şerr
Goy nedey hergîz behaşe û hoşey erbabî zerr
Hellgire em deste şî`re û dabinê sed sewllî
terr
Her bijî allayî Kurd û pêşewayî zanayî Kurd
Xaneqîn mijdey eda, emrro be Diyarbekir û
Herat
Pêçewaney dewrî pêşû, roj le şîmalo helat
Seyrî tîşkîke çilon rûnakî xiste ser wellat?
Em wutare bîrî dill bê, çake bo rêgey necat
Her bijî allayî Kurd û pêşewayî zanayî Kurd
Sed şukur, wa Erzerrom û Wan û Bitlîs û
Çeçan
Destî daye destî Herkî, Kurdî zaza û Beban
Şarî Xerpût û Cizîre û mentîqey Berzaniyan
Ba, bebeste û çeplle û bêjin, dem be dem şam
û beyan
Her bijî allayî Kurd û pêşewayî zanayî Kurd
(*)Le katêkda ke le komarî Kurdistan û şarî
(Mehabad)da bû,-Qani`-em şî`rey danawe.
-Çavkanî:Dîwanî Qani`-kokirdinewey:Burhan
Qani`.Çapî 4`em, Silêmanî/2001.
|
|
